2023-02-04 13:13:59
00:02:14
Urdu
Video content is provided via the
YouTube platform.
All rights and ownership belong to the original content creator.
Source channel:
Khursheed Abdullah
پروین شاکر
شوقِ رقص سے جب تک انگلیاں نہیں کُھلتیں
پاؤں سے ہواؤں کے بیڑیاں نہیں کُھلتیں
بشکریہ : جوش لٹریری سوسائٹی کیلگری
بزمِ سخن مشاعرہ 1984
شوقِ رقص سے جب تک انگلیاں نہیں کُھلتیں
پاؤں سے ہواؤں کے بیڑیاں نہیں کُھلتیں
پیڑ کو دعا دے کر کٹ گئیں بہاروں سے
پھول اتنے بڑھ آئے کھڑکیاں نہیں کُھلتیں
پھول بَن کی سیروں میں اور کون شامل تھا
شوخیِ صبا سے تو بالیاں نہیں کھلتیں
حُسن کے سمجھنے کو عمر چاہئے جاناں
دو گھڑی کی چاہت میں لڑکیاں نہیں کُھلتیں
کوئی موجۂ شیریں چُوم کر جگائے گی
سورجوں کے نیزوں سے سیپیاں نہیں کُھلتیں
ماں سے کیا کہیں گی دکھ ہجر کا کہ خود پر بھی
اتنی چھوٹی عمروں کی بچیاں نہیں کُھلتیں
شاخ شاخ سرگرداں کس کی جُستجو میں ہیں
کون سے سفر میں ہیں تتلیاں نہیں کُھلتیں
آدھی رات کی چُپ میں کس کی چاپ ابھرتی ہے
چھت پہ کون آتا ہے سیڑھیاں نہیں کُھلتیں
پانیوں کے چڑھنے تک حال کہہ سکیں اور پھر
کیا قیامتیں گزریں بستیاں نہیں کُھلتیں
پروین شاکر