2022-08-27 06:38:32
00:02:59
Urdu
Video content is provided via the
YouTube platform.
All rights and ownership belong to the original content creator.
Source channel:
Khursheed Abdullah
پروین شاکر
بادباں کھُلنے سے پہلے کا اشارا دیکھنا
میں سمندر دیکھتی ہوں تم کنارا دیکھنا
بشکریہ : جوش لٹریری سوسائٹی کیلگری
بزمِ سخن مشاعرہ 1984
بادباں کھُلنے سے پہلے کا اشارا دیکھنا
میں سمندر دیکھتی ہوں تم کنارا دیکھنا
یوں بچھڑنا بھی بہت آساں نہ تھا اُس سے ،مگر
جاتے جاتے اُس کا وہ مڑ کر دوبارہ دیکھنا
کِس شباہت کو لیے آیا ہے دروازے پہ چاند
اے شبِ ہجراں! ذرا اپنا ستارہ دیکھنا
کیا قیامت ہے کہ جن کے نام پر پسپا ہوئے
اُن ہی لوگوں کو مقابل میں صف آرا دیکھنا
جب بنامِ دل گواہی سَر کی مانگی جائے گی
خون میں ڈوبا ہُوا پرچم ہمارا دیکھنا
آئینے کی آنکھ ہی کچھ کم نہ تھی میرے لیے
جانے اب کیا کیا دکھائے گا تمہارا دیکھنا
ایک مُشتِ خاک اور وہ بھی ہَوا کی زد میں ہے
زندگی کی بے بسی کا استعارہ دیکھنا
پروین شاکر