2022-08-04 08:02:49
Urdu
Video content is provided via the
YouTube platform.
All rights and ownership belong to the original content creator.
Source channel:
Khursheed Abdullah
کلامِ شاعر بزبانِ شاعر
ارم لکھنوی
چھوڑ دے ساتھ یہ کیفِ خلشِ جاں نہ کہیں
مشکلیں عشق کی ہو جائیں سب آساں نہ کہیں
بہ شکریہ ۔ محترم علی مینائی
یو ٹیوب چینل سخنور
https://www.youtube.com/watch?v=K-Nq1uTRnsc
چھوڑ دے ساتھ یہ کیفِ خلشِ جاں نہ کہیں
مشکلیں عشق کی ہو جائیں سب آساں نہ کہیں
ولولے دل کے جو بڑھتے ہیں تو ڈر لگتا ہے
لوُٹ لے باغ کو خود فصلِ بہاراں نہ کہیں
جس طرح عشق میں دل چاک ہُوا ہے میرا
پُرزے ہو جائے اِسی طرح گریباں نہ کہیں
غالبا رنگِ زمانہ کو یہ ضد ہے مجھ سے
پوچھ لیں آپ مرا حالِ پریشاں نہ کہیں
سجدہ ہو جائے میسر تیرے دَر کا لیکن
سر کا ایک بوجھ بنے منّتِ درباں نہ کہیں
آپ انکارِ محبت پہ نہ یوں ناز نہ کریں
یہ " نہیں" آپ کی بن جائے کبھی " ہاں" نہ کہیں
دعوئ خوں سے سَرِ حشر بھی میں باز آیا
مجھ کو ہونا پڑے قاتل سے پشیماں نہ کہیں
میں نے سامان کیا ہے جو سکونِ غم کا
اور کر دے یہ مجھے بے سَر و ساماں نہ کہیں
جوش پر دیدۂ خوں بار تو آیا ہے ارم
سارے عالم کو ڈبو دے یہی طوفاں نہ کہیں