DefinePK

Description

کلامِ شاعر بزبانِ شاعر
جگر مرادآبادی
آ جاو کہ اب خلوتِ غم، خلوتِ غم ہے
اب دل کے دھڑکنے کی بھی آواز نہیں ہے
بہ شکریہ ۔ محترم علی مینائی
یو ٹیوب چینل سخنور
https://www.youtube.com/watch?v=NscTjSd-kkA


صیّاد پہ ظاہر ابھی یہ راز نہیں ہے
پرواز اسیرِ پَرِ پرواز نہیں

حالاں کہ وہ اب مرحمتِ ناز نہیں ہے
خوش ہُوں کہ مرا غم نظر انداز نہیں ہے

جو سب کے لیے مونس و دمساز نہیں ہے
کچھ اور ہے وہ عشق کی آواز نہیں ہے

کیا قحطِ محبت ہے کہ اس دورِ ہَوس میں
دل باز بہت ہیں کوی جانباز نہیں ہے

میں طائر آوارہ و رسوا سہی لیکن
محدود چمن تک مری پرواز نہیں ہے

آنکھیں ہوں تو وہ کون سا ذرہ ہے جو اے دوست
خود اپنی جگہ انجمنِ ناز نہیں ہے

آ جاو کہ اب خلوتِ غم، خلوتِ غم ہے
اب دل کے دھڑکنے کی بھی آواز نہیں ہے

جگر مرادآبادی