2022-04-09 08:21:10
Urdu
Video content is provided via the
YouTube platform.
All rights and ownership belong to the original content creator.
Source channel:
Khursheed Abdullah
کلامِ شاعر بزبانِ شاعر
تابش دہلوی
لبِ فسردہ کو حاصل نہیں تبسّم بھی
یہ حال ہے تو غمِ زندگی کو کیا دوں گا
بہ شکریہ ۔ محترم علی مینائی
یو ٹیوب چینل سخنور
https://www.youtube.com/watch?v=Pd1HWtzSyt0&t=19s
غرورِ حُسن کا تیرے جواب کیا دوں گا
دل آئینہ تو نہیں ہے مگر دِکھا دوں گا
جنوں و عقل کے ہنگامہ زار حائل ہیں
نہ سن سکے گا تُو لیکن تجھے صدا دوں گا
نشاطِ عشق نہیں راحتِ حیات نہیں
دلِ حزیں کو میں کس غم کا آسرا دوں گا
یہ میری خوبئی قسمت قبول ہو کہ نہ ہو
مگر دعا کے لیے ہاتھ تو اُٹھا دوں گا
گرفتِ برق سے ہو جائینگے چمن آزاد
جب آتشِ گُلِ تَر کو ذرا ہوا دوں گا
یہ نازِ عجز مرا برقرار رہنے دے
ترا غرور سلامت تجھے دعا دوں گا
ذرا سی فرصتِ غم بھی بہت غنیمت ہے
تجھے میں یاد تو کر لوں کہ پھر بھلا دوں گا
لبِ فسردہ کو حاصل نہیں تبسّم بھی
یہ حال ہے تو غمِ زندگی کو کیا دوں گا
مجھے تو عرضِ تمنا سے ہے غرض تابش
حدیثِ شوق کے بدلے غزل سنا دوں گا
تابش دہلوی