2022-03-28 06:40:22
Urdu
Video content is provided via the
YouTube platform.
All rights and ownership belong to the original content creator.
Source channel:
Khursheed Abdullah
کلام ِشاعر بزبانِ شاعر
عزیز حامد مدنی
نہ فاصلے کوئی نکلے نہ قربتیں نکلیں
وفا کے نام سے کیا کیا سیاستیں نکلیں
بہ شکریہ ۔ محترم علی مینائی
یو ٹیوب چینل سخنور
https://www.youtube.com/watch?v=uoNuSf3ilrI&t=32s
نہ فاصلے کوئی نکلے نہ قربتیں نکلیں
وفا کے نام سے کیا کیا سیاستیں نکلیں
کھلی ہے وحشتِ عالم پہ آج کاکلِ یار
کچھ اور دورِ خرد تیری نسبتیں نکلیں
ہزار ہاتھوں کے سیلِ رواں کا مرکز تھا
ہِوا کے ہاتھ میں نادیدہ طاقتیں نکلیں
فضائے تازہ نفس دلبری کی آتی رہی
نئی نئی غمِ دل کی مسافتیں نکلیں
شرارِ مہر و نمِ ابر کے تغیّر تک
وصالِ دوست میں کیا کیا نزاکتیں نکلیں
وہی کہ رنگِ رقیباں سے تیرہ تر تھی جو زلف
کل اتفاق سے اس کی حکایتیں نکلیں
کمندِ سارق و مارِ سیاہ میں آخر
یہ کس کا ہاتھ تھا یہ کس کی حکمتیں نکلیں
مزاجِ شک کو ہی اہلِ یقیں نہیں سمجھے
دماغِ کفر سے کیا کیا حقیقتیں نکلیں
نگار خانے کے نقش و نگار کچھ بھی نہ تھے
جنوں کی آنکھ میں غلطیدہ صورتیں نکلیں
سیاہ رات جہاں خندقوں میںروتی تھی
چراغ لے کے وہیں سے محبتیں نکلیں
وصال و ہجر سے کیا، عشق سے سنبھل نہ سکیں
تری نگاہ میں ایسی ندامتیں نکلیں
عزیز حامد مدنی