DefinePK

Description

علی مینائی
بشر کی خُو میں سلامت روی نہیں شاید
مٹے یہ نسل تو آسودہ ہو زمیں شاید
APPNA Mushaira, Cincinnati 2015
From Archives of Ali Minai

بشر کی خُو میں سلامت روی نہیں شاید
مٹے یہ نسل تو آسودہ ہو زمیں شاید

ہُوں اپنے ذہن کی تاریکیوں میں سرگرداں
سنا ہے یہ کہ خدا ہے یہیں کہیں شاید

مرے خیال کے خلوت کدے ہیں دیر و حرم
مرے مزاج کے موسم ہیں کفر و دیں شاید

میں اُس کو دیکھوں گا لیکن اِک اور عالم میں
میں اُس کو پاؤں گا لیکن ابھی نہیں شاید

میں چھوڑ آیا مسائل کے جس جہنم کو
مرے نصیب کی جنّت بھی تھی وہیں شاید

اُٹھی وہ آنکھ تو دل کا سراغ بھی نہ ملا
ہرن سے ہار گیا یہ سبکتگیں شاید

عدو بھی، دوست بھی سب ہم پہ مہرباں تھے بہت
کچھ اپنے آپ سے برگشہ تھے ہمیں شاید

ہر ایک ہاتھ میں خنجر دکھائی دیتا ہے
الٹ رہی زمانے کی آستیں شاید

علی مینائی