DefinePK

Description

سلیم کوثر
ستم کی رات کو جب دن بنانا پڑتا ہے
چراغِ جاں سرِ مقتل جلانا پڑ تا ہے

اُٹھانا پڑتا ہے پلکوں سے رَت جگوں کا خُمار
پھر اس خُمار سے خود کو بچانا پڑ تا ہے

کسی کی نیند کسی سے بدلنی پڑ تی ہے
کسی کا خواب کسی سےکو دِکھانا پڑ تا ہے

کسی سے پوچھنا پڑتا ہے اپنے گھر کا پتا
کسی کو شہر کا نقشہ دِکھانا پڑ تا ہے

بگڑ رہا ہے کچھ ایسا توازنِ ہستی
کسی کا بوجھ کسی کو اُٹھا نا پڑ تا ہے

کوئی کسی کے کہے سے کبھی رُکا ہی نہیں
وہاں رُکا ہے جہاں آب و دانہ پڑ تا ہے

وہ ایک پَل کی مُسافت پہ تھا مگر مجھ سے
نہ جانے کس نے کہا تھا زمانہ پڑتا ہے

عجیب طرح سے اُس نے بنائی ہے دُنیا
کہیں کہیں تو یہاں دل لگا نا پڑ تا ہے