2022-01-22 06:45:05
Urdu
Video content is provided via the
YouTube platform.
All rights and ownership belong to the original content creator.
Source channel:
Khursheed Abdullah
کلامِ شاعر بزبانِ شاعر
ادیب سہارنپوری
ہم سزاوارِ مسرت جو نہیں ہیں، نہ سہی
کم سے کم غم تو ملیں وہ جو اُٹھائے جائیں
بہ شکریہ ۔ محترم علی مینائی
یو ٹیوب چینل سخنور
https://www.youtube.com/watch?v=eAjV5h5jULw
راحتیں لطف نہ دیں، غم نہ اُٹھائے جائیں
ہم اگر گیت محبت کے نہ گائے جائیں
ہم سزاوارِ مسرت جو نہیں ہیں، نہ سہی
کم سے کم غم تو ملیں وہ جو اُٹھائے جائیں
کس نے ڈالی تھی حسینوں میں ستانے کی یہ رسم
بے تعلق بھی رہیں، یاد بھی آئے جائیں
گردش ایسی بھی تو اے گردشِ دوراں کوئی
ہم بھی اُس انجمن ناز میں پائے جائیں
اِس تذبذب میں کٹی عمر کہ ہم اُن کے حضور
بِن بُلائے ہوئے جائیں کہ بُلائے جائیں
کیا یہی رسمِ وفا شرطِ محبت ہے ادیب
عمر بھر رُوٹھنے والوں کو منائے جائیں
ادیب سہارنپوری