Video content is provided via the
YouTube platform.
All rights and ownership belong to the original content creator.
Source channel:
Khursheed Abdullah
کلام شاعر بزبان شاعر
نشور واحدی
معطّر اتنی ہے کس کے اثر سے پوچھ تو لو
کہاں سے آتی ہے بادِ سحر سے پوچھ تو لو
نہ دُھوپ ہے نہ کہیں چھاؤں ہے چراغ تلے
فریبِ نُور ہے شمس و قمر سے پوچھ تو لو
یہاں نہیں کوئی تقسیم دِل کی دنیا میں
حیات کیا ہے یہ رُوحِ بشر سے پوچھ تو لو
نہ کوئی دَور ہے ماضی نہ کوئی مستقبل
زمانہ ایک ہے شام و سحر سے پوچھ تو لو
ہے بیچ راہ میں انسانیت بھٹکتی ہوئی
قدم کہاں ہے کسی ہم سفر سے پوچھ تو لو
حَسین نظم میں بھی شعریت نہیں ہے نشور
یہ فنِ شعر ہے اہلِ نظر سے پوچھ تو لو