DefinePK

Description

دوستو!

اب وہ وقت آ چکا ہے جس کا انتظار تھا۔ گوگل کا نیا AI ٹول NotebookLM اب چار پاکستانی زبانوں اردو، سندھی، پشتو اور پنجابی کو سپورٹ کرتا ہے۔ یہ صرف ترجمہ نہیں بلکہ ایک پورا تجربہ ہے جو آپ کے الفاظ، تحقیق اور سمجھ کو آپ کی زبان میں ڈھالتا ہے۔

یہ ٹول اب آپ کے اپلوڈ کردہ مواد کو نہ صرف پڑھتا ہے بلکہ اسے ایک آڈیو گفتگو کی شکل میں سنا بھی دیتا ہے۔ یعنی آپ اگر کوئی انگریزی رپورٹ، ہسپانوی ڈاکومنٹری اور اردو نوٹس اپلوڈ کرتے ہیں تو یہ ٹول ان سب کا خلاصہ آپ کو اردو میں ایک مکالمے کے انداز میں سناتا ہے۔ ایسے جیسے کوئی دوست بیٹھ کر سمجھا رہا ہو۔

NotebookLM صرف خلاصہ نہیں دیتا بلکہ تحقیق میں بھی آپ کا ساتھی بنتا ہے۔ یہ PDFs، گوگل ڈاکس، ویب لنکس، یوٹیوب ٹرانسکرپٹس، اور آڈیو فائلز کو اکٹھا کر کے سادہ اور مختصر خلاصے بنا دیتا ہے۔ آپ جو سوال کریں، جواب آپ کی اپلوڈ کردہ فائلز سے حوالہ کے ساتھ دیا جاتا ہے۔ آپ اگر اسٹڈی گائیڈز، اکثر پوچھے جانے والے سوالات، جدول یا ٹائم لائن بنانا چاہتے ہیں تو یہ سب لمحوں میں تیار ہو سکتا ہے۔

ایک زبردست فیچر یہ بھی ہے کہ اب آپ یہ سب معلومات صرف پڑھ نہیں سکتے بلکہ اپنی زبان میں سن بھی سکتے ہیں۔ اور زبان کا انتخاب بھی آپ خود کر سکتے ہیں۔ اردو، سندھی، پشتو یا پنجابی — گوگل اب آپ کی زبان بولے گا۔

سوچیں، اب ایک سندھی ٹیچر اپنی طالبات کے لیے اٹامک فزکس پر دنیا کے بہترین مواد پر وائس نوٹس بنا سکتی ہے، ایک محقق پنجابی میں عالمی رپورٹس کا خلاصہ سن سکتا ہے۔یہ پختون نوجوان اپنی زبان میں ایک نئی دُنیا کو سمجھ سکتا ہے۔ یہ صرف زبان کا مسئلہ نہیں رہا، یہ علم کی رسائی کا نیا دور ہے۔

گوگل کے مطابق یہ سہولت دنیا کے دو سو سے زائد ممالک میں دستیاب ہے.

اب وقت آ گیا ہے کہ علم صرف چند زبانوں تک محدود نہ رہے۔ آگے بڑھیے آپ بھی سیکھیں۔#urduai #learnai #aivideoshorts #aitools